የኢትዮጵያ ብሄራዊ ምርጫ ቦርድ 6ኛው ሀገራዊ ምርጫ ድምጽ መስጫ ቀን ግንቦት 28 እንዲሆን አሳውቀ

የምርጫ ቦርዱ በተጨማሪ የአዲስ አበባ ከተማ እና የድሬደዋ ከተማ መስተዳድር የድምጽ መስጫ ቀን ሰኔ 5 መሆኑን ገልጿል።

ዝርዝር የጊዜ ሰሌዳውን ይፋ ያደረገው ቦርዱ የምርጫ ጊዜ ሰሌዳው የትግራይ ክልልን አያካትትም ብሏል፡፡

የምርጫ ቢሮዎች መከፈት የክልል መስተዳድር አባላት ከፍተኛ ትብብር ስለሚያስፈልገው፤ የክልሉ ጊዜያዊ አስተዳደር ይህንን ድጋፍ ለማድረግ ጊዜ ስለሚያስፈልገው እንዲሁም በክልሉ የታወጀው የአስቸኳይ ጊዜ አዋጅ ለምርጫ በሚስማማ መልኩ መመቻቸቱ ሲረጋገጥ በክልሉ የሚደረገው ምርጫ ጊዜ ሰሌዳ ቦርዱ እንደሚያሳውቅም ምርጫ ቦርድ ዛሬ ባወጣው መግለጫ ጠቁሟል፡፡