የአዲስ አበባ ከተማ ምክትል ከንቲባ ወ/ሮ አዳነች አቤቤ ረጲ የደረቅ ቆሻሻ ሀይል ማመንጫን ጎብኙ

የአዲስ አበባ ከተማ ምክትል ከንቲባ ወ/ሮ አዳነች አቤቤ ከኢትዮጵያ መብራት ሀይል ዋና ስራ አስፈፃሚ ኢ/ር አሸብር ባልቻ እና የከተማዋ ከፍተኛ አመራሮች እንዲሁም ባለድርሻ አካላት በተገኙበት ረጲ የደረቅ ቆሻሻ ሀይል ማመንጫን ጎብኙ፡፡

የሀይል ማመንጫው አልፎ አልፎ የሚያጋጥመውን የግብዓት አቅርቦት እና የበጀት ችግር መቅረፍ በሚያስችሉ ሁኔታዎች ዙሪያ ከስራ ኃላፊዎች ጋር ውይይት አካሂደዋል፡፡

ረጲ የደረቅ ቆሻሻ ሀይል ማመንጫ በ32 ሄክታር መሬት ላይ በአመት 185 ጊጋ ዋት ሀወር የኤሌትሪክ ሀይል የሚያመነጭ ሲሆን አሁን ላይ የገቢ አቅሙ ገና በመሆኑ ምክንያት የግብዓትና የበጀት ችግር እንደገጠመው የተቋሙ ስራ አስኪያጅ ኢ/ር ብሩክ ኤባ ገልፀዋል።

ከዚሁ ጋር ተያይዞም ምክትል ከንቲባዋ የደረቅ ቆሻሻ ማስወገጃ ቦታን የጎበኙ ሲሆን በውስጡ ያሉ ሰራተኞችን በገጠማቸው ችግሮች ዙሪያ አነጋግረዋቸዋል፡፡

በዚህም የተለያዩ መሟላት የሚገባቸው ጉዳዮች ያነሱ ሲሆን፣ ቦታው ከመጥበቡ የተነሳ የአካባቢው ነዋሪዎች ላይ እየፈጠረ ስላለው ጫና ዶ/ር እሸቱ ለማ የደረቅ ቆሻሻ ኤጀንሲ ዋና ዳይሬክተር አብራርተዋል።

በጉብኝታቸውም ማጠቃለያ ም/ከንቲባዋ በተቋሙና አካባቢው ላይ ሆነው አገልግሎት እየሰጡ ላሉ አካላት ምስጋና አቅርበው፣ አስተዳደሩ በተነሱት ችግሮች ዙሪያ መፍትሔ ለማምጣት አብሯቸው እንደሚሰራ መግለፃቸውን ኢቢሲ ዘግቧል፡፡

ህዳር 14, 2013 ዓ.ም.

Leave a Comment

Your email address will not be published. Required fields are marked *