የህወሓት ጁንታ ቡድን ከትግራይ ህዝብ ጫንቃ ላይ የሚወርድበት የመጨረሻው ሰዓት ላይ እንደሚገኝ ብልጽግና ፓርቲ አስታወቀ

የህወሓት ጁንታ ቡድን ከትግራይ ህዝብ ጫንቃ ላይ የሚወርድበት የመጨረሻው ሰዓት ላይ እንደሚገኝ ብልጽግና ፓርቲ አስታወቀ።

የህወሓት አጥፊ ቡድን ለዓመታት የህዝብ ሃብት ሲመዘብር፣ ኢ-ሰብዓዊ የሆነ ድርጊት ሲፈጽምና የራሱን ኪስ ሲያደልብ ኖሮ ዛሬ የግፍ ጽዋው ሞልቶ ሲፈስ በስሙ ከመነገድ ውጭ ምንም ያልፈየደለትን የትግራይን ህዝብ መሸሸጊያው ማድረጉን ፓርቲው አስታውቋል።

የቡድኑ የእኩይነት ጥግ የትግራይ ህዝብ ከሌላው የአገሪቱ ህዝብ ጋር በፍቅር ኖሮ ሳለ እንደተወረረና በጠላት እንደተከበበ አድርጎ ፕሮፓጋንዳ በመስራት ለስደት እየዳረገውና ድርብ በደል እያደረሰበት ይገኛል ብሏል፡፡

ቡድኑ የአገር መከላከያ ሰራዊት ላይ የፈጸመው የውንብድና ተግባር መቼም ይቅር የማይባል ነውም ብሏል።

በመሆኑም የፈጸመውን አሳፋሪ ድርጊት ለመሸሸግ ትግራይ ተወራለች፣ንጹሃን እየተገደሉ ነው በሚል ፕሮፓጋንዳ ስቦ ወደጦርነት ያስገባውን መንግስት መክሰሱ ያሳፍራል ብሏል።

ይህ እኩይነቱ ሳያንሰው መንግስት ህግና ስርዓት ማስጠበቅ ላይ ብቻ ትኩረት በማድረግ በተጠና የወታደራዊ ስልት የማህበራዊ ተቋማትና የእምነት ተቋማትን ከጥቃት በጠበቀ ሁኔታ ይህ እኩይ ቡድን ለጥፋት ያዘጋጃቸው ቦታዎች ላይ እርምጃ እየወሰደ ይገኛል፡፡

ሆኖም ይህ ቡድን የማህበራዊ ተቋማትና የእምነት ተቋማትን የመሳሪያ መሸሸጊያ በማድረግ መንግስትና ህዝብን ስህተት ውስጥ በመክተት ለመወንጀል ሲዳክር ይውላል፡፡

መንግስት የጀመረውን ህግ የማስከበር እርምጃ የሚከፈለው መስዋዕትነት ተከፍሎ የሚጠናቀቅ እንጂ ወደኋላ የሚመለስ አለመሆኑን መገንዘብ ያስፈልጋል፡፡

መንግስት ስለአገር መስዋዕት በሆኑ ንጹሃን ደም የሚደራደር ደካማ አድርጎ ማሰብና የሃሰት ፕሮፓጋንዳ እየነዙ መንግስትን ለማዳካም ጥረት ማድረግ የጁንታው መጨረሻው የጣር ጩኸት ከመሆን የዘለለ ትርጉም የሌለው መሆኑን መረዳት ይገባል፡፡

ንጹሃን በጠራራ ጸሃይ ለማረድ፣ ለማሳረድ፣ አገር ለማፍረስ ያልራራ ይህ አጥፊ ቡድን ዛሬ በበወሬ ወለደ ታሪክ መንግስትን ለመወንጀል የቱንም ያህል ርቀት ቢጓዝ ባህሪውን በግልጽ ለመገንዘብ የበለጠ እድል የሚሰጥ እንጂ በመንግስት ዓላማ ላይ ተጽእኖ የሚያሳድር አይሆንም፡፡

ይህ እንደተጠበቀ ሆኖ የአገራችን ህዝብ መገንዘብ የሚገባው ይህ ቡድን ዛሬም ለቁማሩ ማስያዣነት እየተጠቀመ ያለው ንጹሃኑን የትግራይን ህዝብ መሆኑን ነው፡፡

የእምነት ተቋማትን የመሳሪያ መሸሸጊያ ከማድረግ ጀምሮ የማህበራዊ ተቋማትን ጭምር ለእኩይ አላማው ማስፈጸሚያ የሚሆነውን የጦር መሳሪያ ማከማቻ አድረጓል፡፡

የህወሃት ቡድን በሴራና በጥፋት የተካነ አጥፊ ቡድን ዓላማው አገር የመበታተንና ትግራይን አኬልዳማ የማድረግ ነው ብሏል ፓርቲው፡፡

በመሆኑም መላው የአገራችን ህዝብ በተለይ ደግሞ የትግራይ ህዝብ በውስጡ የተሸሸጉ ወንበዴዎችን ሴራ መገንዘብ ያስፈልጋል፡፡

ጉዳዩ ህግ የማስከበርና አገር የማፍረስ ተልዕኮ ያለውን ይህ ጁንታ ለህግ ማቅረብ በመሆኑ በሃሰት ፕሮፓጋንዳ ንጹሃንን በመጠምዘዝ የትግራይ ህዝብ በአደባባይ ወጥተህ ተዋጋልኝ የሚል ጥሪ ማስተላለፉ ትግራይን አኬልዳማ የማድረግ ሴራ መሆኑን ነው የገለጸው፡፡

ይህ ቡድን ከራሱ ፍላጎት ውጭ ማሰብ የማይችልና በታግዬልሃለሁ ሰበብ ህዝብን ባሪያ አድርጎ መኖር የሚሻ ወንበዴ እንጂ የኢትዮጵያዊ ስነልቦና የሌለው መሆኑን ከድርጊቱና ከመጣበት የጥፋት መንገድ መገንዘብ እንደሚቻል ፓርቲው ገልጿል፡፡

ቡድኑ አሁን የመጨረሻው እስትንፋሱ ላይ በመድረሱ ድርጊቱ ሁሉ በንጹሃን ደም መቆመር በመሆኑ መንቃት ይገባል ተብሏል፡፡

ስለነጻነት የማያወቀው ነፃነት አዋጁ የህወሓት ጁንታ ቡድን በኢትዮጵያውያን የጋራ ክንድ ድባቅ ይመታል፡፡

በመሆኑም መንግስት በብልሃትና ጥበብ በተሞላበት ወታደራዊ ስልት ይህን ጁንታ ከተደበቀበት ፈንቅሎ በማውጣት ለፍርድ እንደሚያቀረበው በመተማመን ሁላችንም ለዚህ ዓላማ መሳካት የበኩላችንን አስተዋፅዖ ማድረግ ሲል መልዕክት አስተላልፏል፡፡

ይህ ህግን የማስከበር ዘመቻ በቅርቡ የሚፈጸም እውነት መሆኑን በግልጽ ማወቅ እንደሚገባ ብልጽግና ፓርቲ በማህበራዊ ትስስር ገጹ ገልጿል፡፡

ህዳር 13, 2013 ዓ.ም.

Leave a Comment

Your email address will not be published. Required fields are marked *