ተመሳስለው የተሰሩ 2 ነጥብ 7 ሚሊየን የሞባይል ስልክ ቀፎዎችን ከአንድ ዓመት በኋላ ከጥቅም ውጪ አደርጋለሁ-ኢትዮ ቴሌኮም

 

ተመሳስለው የተሰሩ 2 ነጥብ 7 ሚሊየን የሞባይል ስልክ ቀፎዎችን ከአንድ ዓመት በኋላ ከጥቅም ውጪ አደርጋለሁ-ኢትዮ ቴሌኮም

መስከረም 5/ 2010

ተመሳስለው የተሰሩ 2 ነጥብ 7 ሚሊየን የሞባይል የስልክ ቀፎዎችን የሚጠቀሙ ደንበኞች በአንድ ዓመት ውስጥ የማይቀይሩ ከሆነ ከጥቅም ውጪ እንደሚያደርጋቸው ኢትዮ ቴሌኮም አስታወቀ።

ተቋሙ የምዝገባ ስርዓቱን ከሶስት ዓመታት በፊት ለመጀመር ቢያቅድም፥ ከሚመለከታቸው ባለድርሻ አካላት ጋር መሰራት የነበረባቸው ስራዎች ባለመጠናቀቃቸው መዘግየቱን ተናግሯል።

ኩባንያው ከመገናኛና ኢንፎርሜሽን ቴክኖሎጂ ሚንስቴር ጋር ስለምዝገባ ስርዓቱ በሰጠው መግለጫ፥ በሀገሪቱ ውስጥ በጥቅም ላይ ያሉ ሁሉም የተንቀሳቃሽ ስልክ ቀፎዎችን የመለያ ቁጥር መመዝገቡ ተነስቷል።

በኢትዮጵያ ውስጥ 58 ሚሊየን የሞባይል ደንብኞች ያሉ ሲሆን፥ በተደረገው የሞባይል ስልክ ቀፎዎች የመለያ ቁጥር ምዝገባ 2 ነጥብ 7 ሚሊየን ያህሉ ተመሳስለው የተሰሩ ወይም ከደረጃ በታች መሆናቸው ተረጋግጧል ነው የተባለው።

የኢትዮ ቴሌሌኮም ኮርፖሬት ኮሙኒኬሽን ኦፊሰር አቶ አብዱራሂም አህመድ፥ የተንቀሳቃሽ ስልክ ቀፎዎችን የመለያ ቁጥር ምዝገባ ስርቆትንና በኮንትሮባንድ የሚገቡ ቀፎዎችን ለመከላከል ይረዳል ብለዋል።

በሀገር ውስጥ ሞባይል አምራቾችና ከውጪ በማስመጣት የሚሸጡ ነጋዴዎች፥ ጤናማ የንግድ ውድድርን ተከትለው እንዲሰሩ ያሰችላቸዋል ነው ያሉት።

አቶ አብዱራሂም ምዝገባው በየጊዜው የሚፈፀም የሞባይል ስርቆትና በተሰረቁ የሞባይል ስልኮች የሚፈፀሙ ወንጀሎችን በቀላሉ መከላከል እንደሚያስችል ተናግረዋል።

የስልኮቹ ከደረጃ በታች መሆንም ደንበኞች በሚያገኟቸው አገልግሎቶች ላይ አሉታዊ ጫና መፍጠራቸውን አንስተዋል።

ተመሳስለው የተሰሩ የተንቀሳቃሽ ስልክ ቀፎዎችን የማይቀየሩ ከሆነ ከዓመት በኋላ ከጥቅም ውጪ ይደረጋሉ ተብሏል።

ተመሳስለው የተሰሩ ስልኮችን የሚጠቀሙ ደንበኞች በአጭር ፅሁፍና በሌሎች ዘዴዎች መልዕክት ይደርሳቸዋል ተብሏል።

ደንበኞች በተለያዩ ምክንያቶች የማይጠቀሙባቸውን በሲም ካርድ የሚሰሩ የቴሌኮም መገልገያ መሳሪያዎችን በሶስት ቀናት ውስጥ፥ ሲም ካርድ በማስገባት ከኢትዮ ቴሌኮም ኔትወርክ ጋር ማገናኘት እንደሚጠበቅባቸውም በመግለጫው ላይ ተነስቷል።

እስከ መስከረም 7 ቀን 2010 ዓ.ም ድርስ በሲም ካርድ የሚሰሩ የቴሌኮም መገልገያ መሳሪያዎች በኢትዮ ቴሌኮም ካልተመዘገቡ ከኔትወርክ ውጭ የሚደረጉ ሲሆን፥ ከመስከረም 8 ቀን 2010 ዓ.ም ጀምሮ አገልግሎት መስጠት አይችሉም።

ተንቀሳቃሽ የሆኑ የቴሌኮም መገልገያ መሳሪያዎችን በኔትወርክ በቀጥታ የመመዝገብ ሂደት ለተጠቃሚዎች፣ ለአስመጭዎችና ለሀገር ያለው ፋይዳ ከፍተኛ መሆኑ ነው በመግለጫው ላይ የተነሳው።

ለተጠቃሚዎች የሚኖረው ጥቅም የተሰረቁ ተንቀሳቃሽ የቴሌኮም አገልግሎት መጠቀሚያ መሳሪያዎች፥ ጥቁር መዝገብ እንዲገቡ እና በኢትዮ ቴሌኮም ኔትወርክ እንዳይጠቅሙ ለማድረግ የሚያስችል መሆኑ ተነግሯል።

ለአስመጪዎችና ለአምራች ኩባንያዎችም ቢሆን በህጋዊ የንግድ ውድድር ውስጥ እንዲያልፉ ያግዛቸዋል ተብሏል።

ለሀገር የሚኖረው ፋይዳ ከዘርፉ የሚገኘው ቀረጥ በአግባቡ እንዲሰበሰብ፣ የሀገር ውስጥ አምራቾች አቅም እንዲጎለብትና ህገ ወጥ ንግድን ለመቆጣጠር ይወጣ የነበረ ከፍተኛ ወጪን የሚያስቀር መሆኑ ነው የተጠቆመው።

የተንቀሳቃሽ ቴሌኮም መሳሪያዎች ምዝገባ ለማከናወን የሚያስችል መመሪያ በመገናኛና ኢንፎርሜሽን ቴክኖሎጂ ሚኒስቴር ተዘጋጀቷል።

ምንጭ፡-ኤፍ ቢ ሲ

 

Log in

Contact us

Wafa Marketing & Promotion PLC

Mexico Biftu Building 8th & 11th Floor ,

In front of Addis Ababa University School Of Commerce

Addis Ababa, Ethiopia

Phone: +(251) 115 525031

JoomShaper